Италијанскиот првак Јувентус, со Кристијано Роналдо во составот, вечерва ќе му се спротистави на Ајакс во Амстердам, во првиот меч од четвртфиналето на Лигата на шампиони. Ова вчера го потврди и тренерот на „старата дама“, Масимилијано Алегри.
„Ако не се случи нешто непредвидено, Кристијано Роналдо ќе биде стартер во Амстердам. Овој меч ќе биде сосема поразличен од тој против Атлетико Мадрид. Ќе треба да играме напаѓачки. Не можам да замислам да си заминеме без да дадеме гол во Амстердам. Сепак, ќе мора да внимаваме и во одбраната“, вели Алегри, кој додаде дека сигурно нема да играат Џорџо Кјелини и Емре Џан.
Роналдо го повреди задниот дел на битниот мускул, и тоа во дресот на португалската репрезентација против Србија. Тогаш тој мораше предвреме да го напушти теренот, а многумина го отпишаа дека ќе биде подготвен за мечот против Ајакс во Амстердам. Самиот Роналдо беше најголем оптимист и рече дека добро си го познава телото и дека ќе игра против Ајакс. Ова што го кажа Португалецот уште пред две недели, вчера доби потврда од тренерот Алегри.
