Италија беше блиску до победа против Украина, но не успеа да слави во Џенова во пријателски меч, па на крајот резултатот е 1:1.
Андриј Шевченко се врати во Италија, каде ја мина дел од успешната кариера како играч на Милан, а овојпат успеа како селектор на Украина да остане непоразен.
Италијанците поведоа со голот на Федерико Бернардески во 55. минута, имаа и иницијатива и повеќе шанси, но Руслан Малиновски погоди за 1:1 само 7 минути подоцна.
Италија нема победа од 28. мај годинава и постот трае веќе пет месеци.
