Голем пресврт и тоа двоен приредија младите фудбалери на Мали, а мечот против Саудиска Арабија на Мундијалот за фудбалери до 20 години го добија Африканците со 4:3.
Во меч што беше возбудлив, ефикасен и со два пресврти, Мали ги освои бодовите, со кои е на прагот на следната фаза на Мундијалито.
Саудиска Арабија имаше одличен старт и со головите на Ал Бураикан и на Ал Тамбакти за 20 минути поведе со 2:0. Потоа дојде период на подобра игра на Мали, а Коита и Коне израмнија на 2:2.
Возбудувањата и голеадата во Гдиња продолжија, а Саудиска Арабија повторно поведе со погодокот на Ал Ганам и потоа се беше во знакот на ривалот од Африка.
Траоре и Камара со по еден погодок во послените 20 минути донесоа целосен пресврт и важна победа за Мали. Сега тие се на второто место во Е групата со 4 бода, зад лидерот Франција која има две победи и максимални шест бодови.
Во меч што почна во истиот термин, но во Ф групата Јужна Кореа со голот на Ким ја победи Јужна Кореа со 1:0.
