Динамо Загреб пушти во продажба ретродрес кој играчите на клубот го носеа пред 30-тина години, а еден од „манекените“ кои го промовираа беше актуелниот капитен и македонски репрезентативец, Аријан Адеми.
Дресот на Динамо од 1990 година, со десетката на грбот, во тоа време го носеше сега веќе славниот Звонимир Бобан. Со таа 10-ка, Бобан за време на инцидентот на „Максимир“ пред неодиграниот меч на Динамо со Црвена ѕвезда, кога почнаа политички промени во Југославија, го удри милицаецот Рефик Ахметовиќ.
За да биде што поверодостоен на оригиналот, на грбот на овој дрес на Динамо ја има и петокраката.
