На отворањето на Британскиот снукер опен турнир, Марк Ален во драматичен меч со 3:2 ја победи Рене Еванс. Не само по резултатот, туку и поради историјата на двајцата играчи, овој меч го доби приматот за дерби на колото.
Ален и Еванс во минатото беа во љубовна врска, а имаат и 14-годишна ќерка. Сепак, по неколку години заеднички живот, Еванс реши да му раскине на Ален. Тоа беше голем удар за Ален кој падна во депресија, се повлече од професионалното играње и некое време беше буквално „аут“, а најстрашно е тоа што сакал дури и да се убие по раскинувањето на врската.
Речиси пред еден месец беше направена ждрепката за првото коло на Бритиш Опен и со нетрпение се чекаше дуелот на поранешниот љубовен пар. Пред почетокот на мечот, Ален тргна да се поздрави со противнкот, што е вообичаено, но Еванс одби да му подаде рака, што наиде на негодување кај публиката.
Proper edge between the two players at the British Open as Reanne Evans refuses the pre-match fist bump of former partner Mark Allen. From ITV4 pic.twitter.com/cXX6pTeNAg
— Rob Maul (@Rob_Maul) August 16, 2021
Ова е првпат Ален и Еванс да играат меѓу себе, а на крајот Марк славеше со 3:2.
„Таа играше многу подобро од мене, но јас успеав да направам одличен брејк за победа. Успеваше да погоди некои неверојатни топки и навистина немаше среќа да го добие мечот со 3:1. Беше ужасно да се игра против неа. Тоа е нешто низ кое не сакам често да поминувам, но морав да издржам и да останам професионалец колку што можам повеќе. Мислам дека добро го направив тоа“, рече Ален по мечот.
Британскиот снукер опен се врати во календарот по пауза од 17 години, а турнирот се игра во Лестер.
