Од пред неколку дена официјално беше потврдено дека Ерлинг Халанд ќе биде нов играч на Манчестер сити. Иако Норвежанецот се поврзуваше и со Реал Мадрид, на крајот од тоа ништо не излезе.
Карло Анчелоти на прес-конференцијата беше запрашан дали е разочаран што раководството не го донесе Норвежанецот во Мадрид.
„Дали сум разочаран што Халанд не е во Реал Мадрид? Тој е одличен играч, но не сум разочаран бидејќи го имаме Карим Бензема.
Среќен сум со тимот што го имам и што ме донесе до ново финале, а како што кажав, Халанд е одличен играч и заминува во квалитетен клуб како Манчестер сити“, изјави Анчелоти.
Иако не го доведоа Халанд, Реал е еден од најсериозните кандидати за ангажман на Килијан Мбапе, чиј договор со ПСЖ му истекува налето.