Реал Мадрид има причини да жали зошто не ги освои трите бода на гостувањето кај градскиот ривал Атлетико бидејќи Кралевите водеа со 1:0 до 90+5 минута од мечот. Во последните минути од средбата, односно од судиското надополнување, Атлетико со голот на Кореа стигна до 1:1 и откина два бода од контото на Реал.
По мечот, тренерот на Реал Мадрид, Карло Анчелоти, објасни дека едноставно во последните неколку минути неговиот тим требало да се одбрани, но не успеал и затоа место три, актуелниот шпански првак освои еден бод.
„Бевме многу блиску да стигнеме до победата, но тоа е фудбалот. Атлетико е наш голем ривал. Вакви работи се случуваат. Замените ги направив само поради тоа што играчите беа заморени. Дали се чувствував нервозен во последните минути? Кога на пет минути пред крајот на ваков меч имате водство, едноставно мора да се браните. Тоа е единственото нешто што треба да го направите, а ние не успеавме. Таков е фудбалот.“, рече Анчелоти, кој сепак имаше причини да биде горд.
Италијанскиот стратег е прв во историјата на шпанското првенство кој успеал да го предводи тимот до 40 меча без пораз. Оваа низа на Анчелоти трае од минатата сезона и Реал сега е на чекор да го достигне рекордот на Барселона, која има 43 натпревари без пораз во првенството.
„Секогаш размислувам позитивно, а не негативно. Освоивме бод на тешко гостување и тимот е во добра форма“, потенцираше Анчелоти по возбудливото дерби.
Real Madrid are unbeaten in 40 straight LaLiga matches.
Carlo Ancelotti is the first manager in LaLiga history to go 40 straight games without a defeat. pic.twitter.com/mBfsfBKFNE
— StatMuse FC (@statmusefc) September 29, 2024
