Црвена Ѕвезда пријатно изненади откако одигра без голови во дуелот против фаворизираниот Наполи. Гостите постојано имаа иницијатива, напаѓаа, но никако не успеаа да ја надмудрат одбраната на „црвено-белите“. По мечот на „Рајко Митиќ“, тренерот на Наполи, легендарниот Карло Анчелоти беше разочаран.
„“Си заминуваме разочарани. Испуштивме два бода во една многу тешка група. Сепак, има уште пет меча да се играат до крајот на групната фаза. Го контролиравме мечот, во продолжение на дуелот ставив уште еден напаѓач, но повторно ништо не направивме“, рече Анчелоти.
Наполи имаше неколку одлични шанси, но не се израдува, па сега ќе има многу потешка задача во дуелите со директните ривали за едно од првите две места во групата, Ливерпул и Пари Сен Жермен.
