Според шпанските медиуми, тренерот на Реал Мадрид, Карло Анчелоти сака на “Сантијаго Бернабе“ да го доведе едно од најголемите разочарувања во Премиер лигата, фудбалерот на Тотенхем, Ричарлисон.
Анчелоти и Ричарлисон соработуваа кога двајцата беа дел од Евертон и бразилецот таму остави одличен впечаток. Сепак, откако направи трансфер во Тотенхем за 58 милиони евра не покажа апсолутно ништо.
Напаѓачот на Островот најпрво играше за Ватфорд, каде слично како и во Евертон, имаше одлични партии, а сега е пред трансферот од соништата и преселба во “кралскиот“ клуб од Мадрид.