Англија по пауза од 10 години, загуби меч од квалификации за едно големо натпреварување откако на гости кај Чешка резултатот на крајот беше 2:1 за домаќините. И покрај овој пораз, Англија е лидер во својата група, но никако не смее да си дозволи нов луксуз да остане и без бодовите на денешното гостување кај Бугарија.
„Нѐ очекува исклучително важен и тежок меч. Мора добро да реагираме по поразот од Чешка. Пред 20 години игравме против Бугарија и се сеќавам, тоа беше тежок меч. Ќе мора добро да се испотиме за да победиме. Мора прво да го обезбедиме местото на ЕП, а потоа да мислиме за турнирот. Сите играчи се добро подготвени, добро тренираме, го анализиравме противникот и верувам во успех“, вели селекторот на Англија, Герет Саутгејт.
Бугарија игра очајно во овие квалификации и по шест меча, нема ниту една победа, па со три бода е на дното од табелата во групата А.