Тренерот на Реал Мадрид, Алваро Арбелоа, смета дека нерешениот резултат со Бетис е неправеден и ги обвини судиите дека го оштетиле неговиот тим.
Во првото полувреме имаше ситуација кога топката удри играч на Бетис во рака во 16-никот, но судиите не покажаа пенал.
Tira Brahim en el 22′ con 0-1, mano de Ricardo Rodríguez y dice González Fuertes (quien amenazó al Real Madrid con hacer historia) a Soto Grado que no hay nada.
¡MALDITOS CORRUPTOS! 🤮@CTARFEF 💰 #RealBetisRealMadrid
— Joker Laporta 🃏 (@JokerLaporta) April 24, 2026
Во последниот напад во 94-та минута, можеби имаше фаул од Антони над Менди неколку секунди пред Белјерин да постигне гол, но и тука немаше реакција од ВАР.
„Можен фаул врз Менди пред нивниот гол? Тоа беше сосема очигледно. Во вакви ситуации, не треба да вложувате многу напор, ако изгубите барем малку рамнотежа, ќе паднете. Треба малку да разбирате фудбал, а тоа е проблем за нас, бидејќи многу луѓе, особено оние кои се одговорни за вакви одлуки, не разбираат или немаат знаење. Претрпевме уште едно разочарување во последните минути, како што беше случај и во многу други прилики. Не го заслуживме овој резултат, бидејќи ги имавме нашите шанси. Имаше и чист пенал во првото полувреме, гол од кој ќе ни помогнеше да го добиеме натпреварот“, коментираше Арбелоа.
Реал петти пат сезонава во Ла Лига прима гол во 90+ минута и тие испуштени бодови го чинат неосвојување на титулата. Такви голви во финиш го исфрлија Реал и од Лигата на шампионите и од Купот на Шпанија.
„Головите примени во последните минути? Да имаше јасна причина зошто се случува, ќе ги прилагодивме нашите постапки. Кога мечот е изедначен, се случуваат вакви ситуации. Исто така е јасно дека немавме среќа“, додаде Арбелоа.
