Најдобриот стрелец во историјата на НБА, Леброн Џејмс, имаше уште една незаборавна плејоф вечер, со неколку свои потези му донесе победа на ЛА Лејкерс против Хјустон за водство од 3-0 во оваа серија.
Лејкерси победија со 112-108 по продолжение од пет минути. На 30 секунди до крајот на регуларниот дел, Хјустон имаше предност од шест поени и тргна во напад, но брзо ја загубија топката и направија фаул при шут за тројка и примија три поени од линијата за слободни фрлања. Ракетите повторно имаа напад, овојпат на плус три, а тогаш Џејмс ја украде топката и неколку секунди подоцна погоди тројка за изедначување. Хјустон имаше и трета шанса за победа, но Турчинот Шенѓун не даде кош.
Big-time plays when it mattered most. pic.twitter.com/oEcwS4DO8X
— Los Angeles Lakers (@Lakers) April 25, 2026
Кај Езерџиите ги немаше Лука Дончиќ и Остон Ривс, но тоа беше покриено од 41-годишниот Џејмс кој заврши со 29 поени и 13 скока, и Маркус Смарт кој имаше 21 поен (8 во продолжението), 10 асистенции и пет украдени топки. Во отсуство на Кевин Дурант, кај Хјустон најефикасен беше Алперен Шенѓун со 33 поени.
На гости победија и Бостон и Сан Антонио. Селтикс предводени од Џејсон Тејтум и Џејлен Браун кои дадоа по 25 поени, славеа во Филаделфија со 108-100, за предност од 3-0 во победи, додека Спарс поведе 2-1 против Портланд, откако со 120-108 го доби третиот меч и тоа без главниот играч Виктор Вембањама. Половина од поените на Сан Антонио ги постигнаа Стефон Кесл (33) и Дилан Харпер (27).
