Капитенот, ѕвезда и прва виолина на аргентинската фудбалска репрезентација, Лионел Меси, стана најтрофеен фудбалер во историјата откако по втор пат ја освои Копа Америка и сега има 45 трофеи, еден повеќе од Дани Алвес.
Меси реди победи и титули, иако на Копа Америка тој се нема прославено, барем не во финалните дуели.
Иако играл пет финалиња на првенството на Јужна Америка (првите три ги губеше, а последните две ги доби), Меси на тие финални средби немал ниту гол ниту асистенција. Синоќа против Колумбија поради повреда беше заменет во 66-тата минута, а радоста на Аргентинците им ја донесе Лаутаро Мартинес.
