Капитенот на Астон вила, Џек Грилиш, изминатиов викенд се најде на удар на англиските медиуми откако учествувал во сообраќајна несреќа. Грилиш удрил паркиран автомобил, а клубот ќе го казни затоа што го напуштил домот и ги прекршил препораките да остане во самоизолација додека трае пандемијата со Коронавирусот.
„Сакам само да кажам дека ми е срам за моето однесување. Знам дека на сите им е тешко што мора да седат дома толку долго време. Јас тргнав да се видам со пријател, што е апсолутно глупава одлука во ваков период. Не би сакал никој од вас да ја повтори мојата грешка. Сите треба да ги почитуваме правилата и да останеме дома. Се надевам дека го прифаќате моето извинување“, истакна Грилиш, меѓутоа нема да помине без казна.
Клубот подготви строга санкција за својот капитен, воедно ќе биде и парично казнет, а средставата ќе се искористат како надомест за болницата во Бирмингам.
