Екипата на Атлетико Мадрид го загуби првиот пријателски натпревар на турнејата во Азија од ѕвездите на К-лигата, првенството на Јужна Кореја. Членот на Ла Лига до самиот финиш имаше водство од 2-1, но лудиот финиш им припадна на Корејците, кои дојдоа до победа од 3-2.
Томас Лемар во 13-тата минута го донесе Атлетико Мадрид до очекувано водство од 1-0 и тоа беше единствениот погодок во првиот дел.
Серијата погодоци во второто полувреме ја започна Антон Кривотсјук во 50-тата минута, кога израмни на 1-1. Атлетико се врати во водство преку Карлос Мартин во 85-тата минута, а домашните фудбалери направија комплетен пресврт преку Палочевиќ и Сун-мин во судиското надополнување на мечот.
Екипата на Атлетико Мадрид во Јужна Кореја ќе игра и против Манчестер сити, и тоа во недела, а потоа со контролните дуели ќе продолжи во Мексико.
