Единствената победа на Македонија над Ирска се случи на втори април 1997 година во Скопје, кога нашите фудбалери победија со 3-2, а дел од таа селекција беше и сегашниот селектор Гоце Седлоски.
Македонија На „Градскиот стадион“ во Скопје победи со двата гола од пенал на Митко Стојковски и еден на Ѓорѓи Христов, а мечот ќе остане запаметен по прославата на победничкиот гол на нашиот напаѓач, но и по бруталниот старт на Мекатер над Шаќири.
Гоце Седлоски на овој меч ги одигра сите 90 минути, па нашиот селектор добро знае како се победува Ирска.
Македонија и Ирска вечерва ќе одиграат пријателски меч во Даблин, седми меѓусебен дуел на овие две селекции во историјата.
