Авионот со кој летале фудбалерите на ИФК Гетеборг мораше принудно да слета, и тоа само 30 минути откако полетал. Според шведскиот медиум Aftonbladet, причина за принудното слетување се фудбалските топки кои во авионот биле внесени напумпани.
„На летот имаше 30 напумпани топки и затоа моравме да се вратиме назад во Копенхаген. Постоеше опасност од нивна експлозија. Откако слетавме, топките беа издишени. Беа потребни 30-тина минути. Се извинуваме за ова“, објавил капетанот на авионот кој морал принудно да слета.
Den svenske fodboldklub IFK Göteborg måtte “nødlande” i København på vej til træningslejren i Allicante. “Nødlandingen” var nødvendig, fordi luften skulle lukkes ud af 30 oppustede fodbolde som ellers risikerede at eksplodere under flyveturen. #BoldDramahttps://t.co/Mvz8kVVkdu
— Ole Ryborg (@OleRyborg) February 2, 2023
Од фудбалскиот клуб биле збунети од реакцијата на авиокомпанијата.
„Патуваме како и секогаш што патуваме и не знам зошто беше таа реакција од авиокомпанијата. И тие се одговорни за тоа што се товари во авионот“, вели менаџерот на ИФК Гетеборг, Ханес Стилер.
Фудбалерите патувале кон Шпанија, а летот на предвидената дестинација стигнал со задоцнување од неколку часа.
