Викторија Азаренка со голем пресврт против Серена Вилијамс славеше со 2-1 во сетови (1-6, 6-3, 6-3) за пласман во финалето на ОП на САД по седум години пауза. Белорусинката воедно ја оствари првата победа против Серена на американскиот гренслем, односно прва по четири години пауза на сите подлоги.
Се чинеше дека Вилијамс ќе се најде во финалето, каде што веќе чекаше Наоми Осака, откако првиот сет го доби по седум гема и три брејка. Сепак, Азаренка приреди пријатно изненадување во вториот сет и возврати со два украдени сервиси за израмнување на 1-1. По водство од 2-0 во гемови и третиот брејк, Азаренка успеа да ја задржи до крај предноста и при првата меч-топка да запише голема победа над домаќинката.
UNREAL RALLY 😵@vika7 | #USOpen pic.twitter.com/Gstpc5BNy3
— US Open Tennis (@usopen) September 11, 2020
Осака претходно исто така мораше по три сета да обезбеди пласман во големото финале. Јапонката се намачи против Џенифер Брејди, па уште во првиот сет се играше тајбрејк, кој Осака го доби со 7-1. Брејди израмни со 6-3 во вториот сет, а само еден брејк ѝ беше потребен на Осака во третиот сет за да ја оствари посакуваната победа.
Game. Set. Naomi Osaka.
She's into the #USOpen final once again after defeating Brady in a three-set battle.@naomiosaka I #USOpen pic.twitter.com/8OXzOJnC8O
— US Open Tennis (@usopen) September 11, 2020
