Баерн Минхен сè посериозно ја разгледува можноста да го доведе крилниот напаѓач на Реал Мадрид, Родриго. Според новинарот од „Ел Чирингито“, Едуардо Инда, баварскиот гигант веќе подготвува официјална понуда.
Англиските клубови Арсенал, Челзи и Манчестер сити исто така ја следат ситуацијата околу бразилскиот фудбалер. Од Челзи дури веќе воспоставиле контакт со агентот на Родриго, но сè уште немаат испратено конкретна понуда до Реал Мадрид.
Раководството на Кралскиот клуб нема намера да прифати понуда пониска од 80 милиони евра. Играчот има желба да биде продаден, бидејќи не е задоволен од својата улога на резерва на „Сантијаго Бернабеу“.
Во минатата сезона, Родриго одигра 54 натпревари во сите натпреварувања, постигнувајќи 14 голови и запишувајќи 11 асистенции.
