Леванте им се врати на победите благодарение на брилијантното издание на Енис Барди. Екипата од Валенсија славеше со 2-1 на гостувањето кај Реал Сосиедад, а македонскиот репрезентативец во два потези успеа да ги донесе трите бода за Леванте.
Барди прво во 25-тата минута, со реализација ја заврши одличната акција на гостите, прекрасно го лобуваше противничкиот голман и го запиша овосезонскиот првенец во Ла Лига. Се играше 40-тата минута кога Барди повторно учествуваше во завршница на Леванте. Неговиот опасен удар од далечина заврши во гредата, а до одбиената топка стигна Мајорал и зголеми на 2-0.
Вилијам Хосе успеа да го намали резултатот на 2-1 непосредно по стартот на вторите 45 минути, а гостите го издржаа притисокот и со цел плен ја напуштија „Аноета“.
Во дербито на колото, Валенсија и Севилја ремизираа при конечни 1-1.
https://twitter.com/FeuilledeMatch2/status/1189610225009070080?ref_src=twsrc%5Etfw%7Ctwcamp%5Etweetembed%7Ctwterm%5E1189610225009070080&ref_url=https%3A%2F%2Fsportmanija.mk%2Fbardi-vo-stilot-na-mesi-prekrasen-lob-za-vodstvo-na-levante-video%2F
https://twitter.com/FeuilledeMatch2/status/1189615058558554117
