Кошаркарите на Барселона брзо се соземаа од неверојатниот пораз од Ефес Пилсен на свој терен од пред два дена. Каталонскиот гигант беше понижен со 102:68, но вечерва славеше против турскиот ривал со 82:72. Со овој триумф, Барселона израмни на 2:2 во победи, па петиот меч ќе решава кој тим ќе продолжи во борбата за титулата во Евролига.
Барселона одигра одлична трета четвртина која ја доби со 27:12, па негативата од два поени од полувремето, ја претвори во водство од 13 разлика. Домаќините не дозволија во последните 10 минути да ја прокоцкаат предноста и стигнаа до 2:2 во триумфи.
ЦСКА Москва продолжува понатаму во трка за трофејот, откако вечерва со 92:83 победија на гости кај Басконија и го елиминираа шпанскиот тим со вкупни 3:1 во победи. Басконија имаше 1:1 и два меча на свој терен, но ЦСКА покажа дека е поквалитетен ривал и на два пати победи на гости. Вечерва московјани славеа најмногу благодарение на одличната игра во решавачката последна четвртина, која гостите ја добија со 24:12.
