Барселона минимално со 1:0 славеше на гостувањто кај Алавес во меч од 22-рото коло од Ла Лига.
Стрелец на единствениот погодок беше Френки де Јонг во 87-мата минута, откако Каталонците потсетија на едни подобри времиња кога го играа најубавиот фудбал во Европа.
Неколку магични додавања, асистенција на Феран Торес и реализација на Холанѓанецот, но за комплетната радост мораа да почекаат неколку минути по проверка на ВАР поради офсајд.
Голот беше признат и Барселона дојде до важни три бода, со што се искачи на петтото место со 35 бодови.
