Барселона најмалку до недела навечер ќе биде лидер на табелата во Ла Лига, откако на домашен терен славеше со 3-1 над Алавес.
Сепак, победата воопшто не дојде лесно за „каталонците“, бидејќи гостите по само 40-тина секунди игра на „Камп Ноу“ дојдоа во водство од 0-1 преку Пабло Ибањес.
Барселона брзо израмни, веќе во осмата минута и тоа преку Ламин Јамал, а во 26-тата минута веќе дојде во водство преку Дани Олмо.
Точка на победата стави Дани Олмо во 93-тата минута, со што продолжи традицијата, Барселона да победува на својот роденден и 11-ти пат по ред.
„Каталонците“ сега имаат 34 бода, два повеќе од Реал Мадрид, но „кралеците“ во недела навечер гостуваат кај Жирона и со победа ќе се вратат на лидерската позиција.
