Дарко Чурлинов има скршеница на носот и ќе мора да оди на операција во петок, објавија од неговиот клуб Штутгарт. Без детални информации што се случило, од таборот на Бундеслигашот му посакаа на младинскиот репрезентативец што поскоро да се врати на теренот.
Чурлинов сезонава одигра пет меча за Штутгарт со вкупна минутажа од околу 90 минути, а на сите пет настапи влегуваше во игра како резерва.
Darko #Churlinov hat sich im Training am Dienstagnachmittag einen Nasenbeinbruch zugezogen. Der 20 Jahre alte Außenbahnspieler muss sich voraussichtlich am Freitag einer Operation unterziehen und fällt vorerst aus. #VfB #getwellsoon #comebackstronger pic.twitter.com/8tSTZ5JNpq
— VfB Stuttgart (@VfB) February 10, 2021
Нашиот младински репрезентативец има 20 години, но рано замина во Германија, најпрво во фудбалската Академија на Ханза, потоа и во Магдебург и во Келн.
Од таборот на популарните Јарци од Келн лани во јануари се префрли во Штутгарт. Со настапот за А селекцијата на Македонија на 28 март во 2017 година, Чурлинов на 17-годишна возраст стана најмладиот фудбалер што играл за нашиот национален тим.
