УЕФА ги објави тројцата кандидати за признанието најдобар играч за сезоата 2021/2022. Тоа се Карим Бензема од Реал Мадрид, неговиот клупски колега, голманот Тибо Куртоа, и Кевин де Бројне од Манчестер сити. Лани признанието го освои Жоржињо од Челзи.
Поради многуте клучни голови кои ги постигна, водејќи со Кралскиот клуб во минатата сезона до 14-тата европска титула, нема дилеми дека наградата од УЕФА ќе замине во рацете на Бензема. Французинот кој даде 15 гола во ЛШ во минатата сезона е голем фаворит и за Златната топка и за наградата The Best која ја доделува ФИФА за најдобар фудбалер на светот во тековната година.
Куртоа бранеше одлично цела сезона, се истакна со неколку спектакуларни одбрани и во финалето против Ливерпул. Де Бројне трета сезона е во Топ 3 на УЕФА, беше најдобар играч во Премиер лигата.
За најдобар тренер кандидати се: Карло Анчелоти, Пеп Гвардиола и Јирген Клоп.
Церемонијата на прогласување на најдобрите во натпреварувањата на УЕФА ќе се одржи на 25 август во Истанбул, кога ќе биде и ждрепката за групната фаза од Лигата на шамоионите.