Португалскиот шампион Бенфика со официјално соопштение се огласи околу шпекулациите кои се однесуваат на нивниот талент Жоао Феликс. Имено, Бенфика демантира дека е постигнат договор со Атлетико Мадрид за преселба на Феликс на „Ванда Метрополитано“, вест која претходно денес беше актуелна поради сумата на самиот трансфер.
Шпекулациите на одредени португалски медиуми беа дека Атлетико ја активираше клаузулата од 120 милиони евра, додека 30% од заработката на Бенфика ќе биле наменети за агентот Жорж Мендеш.
Во соопштението на гигантот од Лисабон пишува дека ниту е постигнат договор, ниту, пак, Мендеш ќе добие 30% од трансферот доколку тој се случи. Од таборот на Бенфика сметаат дека на овој начин медиумите се обидуваат да ја нарушат репутацијата на клубот.
Desmentido oficial a propósito das notícias publicadas nas últimas horas. ➡ https://t.co/TSkUjEDm3Z pic.twitter.com/Yoc6Pe9jnr
— SL Benfica (@SLBenfica) June 17, 2019
