Словенечката ракометна легенда, Дејан Бомбач, ја продолжува кариерата во Германија, поточно во Лајпциг, наместо во Пелистер.
Иако се шпекулираше дека ќе се пресели во македонскиот шампион, искусниот среден бек на крајот се одлучи за бундеслигашот, каде денеска и официјално беше претставен.
Бомбач (36) пристигнува како слободен агент, откако го раскина договорот со Ѓер, и ќе се обиде да им помогне на Лајпциг, кој сезонава не бележи добри резултати. Тимот, до неодамна предводен од поранешниот тренер на Пелистер, Раул Алонсо, е на последното место во Бундеслигата со само три бода.
