Изминатиов викенд посведочивме на уште една грозна сцена на фудбалските терени, поточно во Италија, каде што на мечот меѓу Калјари и Интер, домашните навивачи упатија расистички навреди кон Ромелу Лукаку.
По тој инцидент, навивачите на Интер објавија соопштение кое започнува со реченицата „Многу ни е жал Ромелу што мислиш дека тоа беа навреди врз расна основа“. Токму поради тоа соопштение реагираше поранешниот фудбалер на Челзи, Демба Ба.
Сегашниот напаѓач на Басакшехир посочи дека поради ваквиот став на италијанските навивачи одбил да заигра во Серија А, а посакува сите црномурни фудбалери да ја напуштат италијанската лига за да се види колкава би била загубата на тамошното првенство.
„Ова е главната причина зошто ги одбив сите прилики да играм во Серија А. Посакувам сите црномурни играчи да ја напуштат Серија А. Тоа нема да го спречи нивниот идиотизам и омраза, но барем нема негативно да влијаат врз луѓето кои не се од белата раса“, напиша Демба Ба на „Твитер“.
https://twitter.com/dembabafoot/status/1169137694871564289?ref_src=twsrc%5Etfw%7Ctwcamp%5Etweetembed%7Ctwterm%5E1169137694871564289&ref_url=http%3A%2F%2Fsportklub.rs%2FFudbal%2FSerie-A%2Fa307249-Ba-Voleo-bih-da-svi-crnci-napuste-Seriju-A.html
