Само на еден од четирите натпревари од плеј-офот за пласман во лигашкиот дел на Лигата на шампионите вечерва имаше победник. Фудбалерите на Бодо Глимнт веќе може да го слават пласман во Лигата на шампионите, бидејќи со 5-0 го растурија австриски Штурм.
На останатите три меча немаше победник и патниците во лигашкиот дел ќе се одлучуваат на реваншите. Базел и Копенхаген одиграа нерешено, 1-1, откако Шаќири од пенал погоди за водство на домашните, а гостите од Данска израмнија преку Габриел Переира.
Вистинско изненадување претставува ремито без голови, 0-0, на Селтик и Каират. Шампионот на Казахстан ги издржа налетите на фаворизираниот противник и ќе има шанса пред својата публика да се избори за место во Лигата на шампионите.
Голови немаше и на дербито на вечерта. Фенербахче и Бенфика одиграа 0-0 во Истанбул, па и на овој двомеч сите опции се отворени.
