Борусија Менхенгладбах се искачи на второто место на бундеслигашката табела, благодарение на подобрата гол-разлика од третиот Баерн Минхен со кого имаат по 42 бода, седум помалку од лидерот Борусија Дортмунд.
Менхенгладбах од 60-та минута беше со играч повеќе, а победата од 2:0 на гостувањето кај Шалке 04 ја обезбедија дури во завршните пет минути. Во 85 минута, убав гол даде Крамер, а точка стави Нојхаус во 91 минута. Асистент на двата гола беше Белгиецот Азар.
„Зелено-белата“ Борусија по десетти пат сезонава заврши еден меч без примен гол, со што е најуспешна во Германија според овој статистички податок. Втор е Лајпциг кој девет пати ја зачува мрежата, додека Баерн, Дортмунд и уште два тима, по шест пати не примија гол сезонава.
