Интер успеа да ја победи Бреша на гостински терен со 2:1 и моментно е лидер на табелата во Серија А со 25 бода.
Лаутаро Мартинес и Ромелу Лукаку беа прецизни за гостите во 23-тата и во 63-тата минута, но не беше лесно за Интер вечерва на „Марио Ригамонти“.
И двата гола беа одлични, а особено се истакна белгискиот репрезентативец со прекрасен и прецизен удар од 20-тина метри.
https://twitter.com/FootbaII_HQ/status/1189293105473900549?s=20
Бреша одигра солиден меч, му пружи добар отпор на фаворитот, а со автоголот на Шкрињар во 76-тата минута се закани со изненадување.
До крајот имаше доста тензии и една голема шанса за домаќините, но сепак Интер беше подобар и успеа да ги освои бодовите.
