Капитенот на Манчестер јунајтед, португалскиот играч за врска Бруно Фернандеш, денеска против Брајтон ќе го има својот 300-ти настап на официјални мечеви во дресот на Црвените ѓаволи.
Бруно кој има 31 година, дојде во Јунајтед во јануари 2020 од Спортинг Лисабон, и за овие пет години и девет месеци, дојде до бројка од дури 300 меча за клубот, а има пропуштено само 17, од кои само три беа поради повреда или болест. Учинокот на досегашните 299 меча му е 100 гола и 87 асистенции.
Португалецот истакна дека нема намера да разгледува понуди пред Светското првенство во 2026. Својата верност кон Манчестер ја покажа летоска кога одби супер богата понуда од Ал-Хилал од Саудиска Арабија, му нудеа месечна плата од 3,2 милиони евра.
