15.8 C
Skopje
недела, 13 јули 2025

Чешки фудбалери исфрлени од репрезентацијата бидејќи биле во ноќен клуб пред одлучувачкиот меч за пласман на ЕП

Тројца чешки фудбалери се исфрлени од репрезентацијата пред клучниот натпревар во квалификациите за пласман на ЕП 2024 против селекцијата на Молдавија, бидејќи биле во ноќен клуб на помалку од 48 часа пред мечот.

Чешката фудбалска федерација соопшти дека од репрезентацијата се исфрлени Владимир Цоуфал, Јакуб Брабец и Јан Кухта.

„Тие веднаш го напуштија кампот на репрезентацијата“, стои во соопштението.

 

Чешките медиуми објавија дека тројцата фудбалери вчера вечерта биле забележани во ноќен клуб во Оломуц, град во кој Чешка в понеделник ќе игра против Молдавија во последното квалификациско коло за пласман на ЕП 2024.

На овој дуел и е потребен најмалку еден бод за да се пласира на ЕП кое идната година ќе се игра во Германија.

Албанија е прва во групата Е со 14 бода и обезбеден пласман на ЕП, Чешка е втора со 12, Полска има 11, а Молдавија 10 бодови.

- Оглас -

Најнови вести