Јиржи Весели и Андреј Рублев ќе играат во финалето на тенискиот АТП турнир во Дубаи. Во првото полуфинале, Рублев во три сета го победи Хуберт Хурчак со 3:6, 7:5, 7:6 во меч кој траеше два и пол часа.
По завршување на мечот Рублев упати моќна порака преку камерата која го снимаше. Русинот напиша, „Не за војна. Ве молам“.
Russian tennis player Andrey Rublev writes "No war please" on the camera following his advancement to the final in Dubai. pic.twitter.com/GQe8d01rTd
— TSN (@TSN_Sports) February 25, 2022
Ако за Рублев местото во финалето е очекувано, речиси никој не се надеваше дека таму ќе игра против Јиржи Весели. Чешкиот тенисер кој е на 123 место на АТП листата, во меч кој траеше повеќе од три часа, го победи Денис Шаповалов со 6:7, 7:6, 7:6.
Весели со оваа победа само продолжи со блескавите партии, затоа што во Дубаи претходно го елиминираше и најдобриот тенисер на АТП листата Новак Ѓоковиќ, а Чехот претходно беше подобар и од Чилиќ и Баутиста.
