На англискиот гигант Ливерпул доволно му беше еднаш да се израдува на погодок, за да стигне до трите бода од гостувањето во Амстердам против Ајакс. Домаќините си постигнаа автогол, а еден од хероите на Ливерпул е Фабињо, фудбалерот кој принудно се најде во стартниот тим на гостите.
Фабињо играше на местото на повредениот Вирџил ван Дајк и уште во првиот меч блесна. Беше сигурен на стоперската позиција, а го имаше и најдобриот потег во одбраната кога за неколку сантиметри ја скрати радоста на домаќините.
Пред крајот на првото полувреме, Фабињо пожртвувано реагираше и ја исфрли топата на неколку сантиметри пред да влезе во голот, покажаувајќи дека е достојна замена за Ван Дајк.