Капитенот на Арсенал, Пјер-Емерик Обамејанг, кој е најефикасен топчија во клубот од Лондон, имаше невидена утка во првото полувреме против Бенфика и пропушти чист зицер за предност на гостите.
На првиот дуел од двомечот во 1/16-на финалето на Лигата на Европа, популарниот Ауба се посрамоти и промаши на празна мрежа од пет метри.
Ектор Белерин одлично му подготви позиција на првиот стрелец на Арсенал, но, невообичаено за Обамејнаг, му се случи голема утка, па Топчиите не поведоа со 1:0 на неутрален терен во Рим на „Олимпико“.
По еден час игра резултатот е 1:1. Стрелец за Бенфика беше Пици од пенал во 55-тата минута, а само 120 секунди подоцна Сака израмни на 1:1.