Најдобриот македонски маратонец Дарио Ивановски имаше уште една фантастична трка, откако го освои второто место на престижниот белградски маратон. Во едно фантастично темпо, Ивановски маратонот го истрча со време од 2 часа, 9 минути и 35 секунди, доволно за второто место. Единствено пред Ивановски заврши победникот Гемсиса Гудата Гага од Етиопија со време од 2:09:11 часа, што е нов рекорд на маратонот во Белград.
Малку фалеше Ивановски да истрча и личен рекорд, кој останува да му биде 2:08:26 часа, но секако со оваа трка Дарио покажа дека се наоѓа во фантастична форма и дека граби кон нов настап на Летните олимписки игри кои во 2028 година ќе бидат во Лос Анџелес.
