Дарко Чурлинов играше околу половина час на храмот на фудбалот „Олд Трафорд“ за Барнли против Манчестер јунајтед и не ја погоди најубавата шанса за гостите.
Црвените ѓаволи победија со 2:0 и се пласираа во четвртфиналето на Карабао купот, а Чурлинов пропушти шанса да го направи мечот поинтересен.
Македонскиот репрезентативец доби одличен пас во простор и беше сам пред голманот Дубравка, упати удар по земја во спротивниот агол, но го промаши голот на домаќините.
Чурлинов ќе има поправен испит во јуни, со Македонија, кога ќе им гостуваме на Англичаните токму на „Олд Трафорд“ во квалификациски меч за настап на ЕП 2024 што ќе го организира Германија.
Вечерва подобар беше Манчестер јунајтед, а домаќините најавија победа со голот на Ериксен во 27-мата минута.
This Wan Bissaka assist >>>>#MUNBURpic.twitter.com/LTW4w4G0ki
— Dalukwa (@dalukwa) December 21, 2022
Печат на победата за четвртфинале во Карабао купот стави Маркус Рашфорд со втор погодок на мечот во 57-мата минута.
Great effort from Rashford before scoring the second goal ..#MUNBUR | #MUFC
pic.twitter.com/a4FiZ0paIO— ⓀⓇⓄⓄⓈ (@KR_808) December 21, 2022
