Ракометарите на унгарскиот тим Пик Сегед загубија од германскиот Магдебург со 35:28 во првиот меч од четвртфиналето во ракометната Лига на шампиони. Мала утеха, посебно за словенечкиот репрезентативец Борут Мачковшек е тоа што го постигна еден од најубавите погодоци сезонава во ЛШ.
Неговата лукавост и снаодливост да успее да постигне гол наиде на одобрување и од Европската ракометна федерација (ЕХФ). „Дали е ова најубавиот гол во годината?“, гласеше реакцијата од ЕХФ.
Искусниот 33-годишен ракометар кој е висок 203 сантиметри успеа два пати да се сврте околу својата оска, а потоа на атрактивен начин и да погоди.
IS THIS ?! #ehfcl #CLM #handball pic.twitter.com/HiuQ56IGwC
— EHF Champions League (@ehfcl) April 29, 2026
Не треба да се заборави дека оваа сезона во ЛШ, најубавиот погодок го постигна Дејан Манасков во дресот на Еурофарм Пелистер против Барселона. Тој погодок на Манасков беше во октомври минатата година и беше прогласен за најдобар во 2025 година според ЕХФ.
