Шансите за победа на Милан на вечерашното гостување кај СПАЛ во Ферара пораснаа откако клубот ја објави листата на кандидати за настап на дуелот. На списокот го има и напаѓачот Златан Ибрахимовиќ, кој имаше пауза од 115 дена. Швеѓанецот закрепна од повредата, а ги пропушти трите меча од продолжувањето на сезоната наваму.
Со Ибра во тимот, Милан добива многу, само останува да се види колкава минутажа ќе добие и колку е подготвен да им помогне на Росонерите, кај кои за место во стартниот тим од напаѓачите ќе се бира меѓу Ребиќ, Кастилјехо, Леао и Малдини. Според тренерот Стефано Пиоли, Златан е силен како лав.
„Психолошки тој е многу добро подготвен, како лав е, максимално е посветен и мотивиран“ – рече Пиоли.
Ибрахимовиќ во кариерата никогаш не играл против СПАЛ, а ако даде гол, тоа ќе му биде 29-тиот различен тим во Италија против кого постигнал гол. Милан има две победи по ред, тимот оди на хет-трик.
