Дени Масев, директорот на сениорската фудбалска репрезентација на Македонија, е приведен во полициска акција, пренесува „Слободен печат“.
Според извори на весникот, Масев се наоѓа во затворот Шутка, а неговото име се поврзува со групата на Раде Трајковски – Штекли, кој претходно беше уапсен под сомнение за трговија со дрога. Иако тој се врати на директорската функција во јануари, засега нема официјални информации од обвинителството за причините за неговото приведување.
Во меѓувреме, од извори во Фудбалската федерација на Македонија дознаваме дека Масев е разрешен од функцијата. Одлуката била донесена во пресрет на заминувањето на репрезентацијата за Лихтенштајн, непосредно пред почетокот на квалификациите за Светското првенство 2026.
