Вардар лесно и убедливо го победи Кристијанштад со 33:25, во второто коло од ракометната Лига на шампиони во „Јане Сандански“. Освен вардаровите ѕвезди, овојпат на теренот се појави уште една голема ѕвезда. Малиот Марко Пејчиноски беше специјален гостин на „црвен-црните“.
Марко е детето кое направи подвиг и со само 12 години успеа да го преплива Охридското езеро. Тој не крие дека е голем фан на Вардар, а како изненадување, доби дрес од неговиот омилен тим и тоа директно од капитенот Стојанче Стоилов.
