Измина точно една деценија откако Премиер лигата посведочи на најубавиот погодок во својата историја. Ножичките на Вејн Руни во градското дерби против Манчестер сити значеа триумф на Црвените ѓаволи со 2-1, по кои целиот „Олд Трафорд“ падна во транс.
Датумот 12 февруари 2011 година го памети секој навивач на најтрофејниот англиски клуб, а најатрактивното фудбалско првенство на светот уште нема видено поубав погодок од ремек-делото на Руни. Голот беше толку добар, што Сер Алекс Фегрусон со пцовки и неверување го прослави, безмалку беше шокиран, како и повеќе од 74.000 присутни на „Театарот од соништата“.
