Со еден твит и еден збор, Џенова му честиташе на Горан Пандев за големиот успех против Германија и чудесната победа на Македонија во Дуисбург со 2:1.
„Едноставно, Горан Пандев“, објавија на „Твитер“ од Џенова, честитајќи му на погодокот и победата против Германија.
❤️💙🇲🇰 Semplicemente #Pandev. pic.twitter.com/OEGV7Q6rQc
— Genoa CFC (@GenoaCFC) April 1, 2021
Комплиментите за „вечното момче“ на македонскиот фудбал се редат како на филмска лента, а капитенот на македонската репрезентација е вистински пример како се игра и во зенитот на кариерата, на 37-годишна возраст.
Со неколку маестрални партии фудбал ѝ помогна и на Џенова да побегне од опасната зона во Серија А, а тоа што го прави во дресот со националните бои се граничи со чудо.
Пандев го постигна историскиот гол во Тбилиси против Грузија, што ја одведе Македонија на ЕП и на прво големо фудбалско натпреварување, а вчера рутински го матираше и Тер Штеген, со гол со кој го најави чудото во Дуисбург.
