Австралиските власти сè уште не одлучиле што ќе прават со визата на Новак Ѓоковиќ, која сега е валидна за влез во земјата по одлуката на Федералниот суд, но тоа не е конечното решение.
Судбината на српскиот тенисер е во рацете на Имиграциското биро на Австралија, што го предводи Алекс Хок, кој треба да реши дали Новак ќе игра на тенискиот гренслем во Мелбурн од 17 јануари, каде што е рекордер со 9 титули, или ќе има поинакво решение.
Утре ќе биде и официјалната ждрепка за Отвореното првенство на Австралија, а Ѓоковиќ е рангиран како прв носител, но му се заканува и поинакво сценарио.
Според дел од медиумите во Австралија, а се работи за „Ди-Ејџ“ и „Сиднеј морнинг хералд“, истрагата ќе се прошири за да се утврди дали Новак ги прекршил строгите протоколи за изолација во случај кога бил позитивен на ковид-19.
Српскиот тенисер ја објасни спорната ситуација и како се случило на 16 декември да биде позитивен на корона-вирусот, а следниот ден да дели подароци на деца и на 18 декември да има интервју за француски „Л`Екип“.
„Присуствував на кошаркарски меч во Белград на 14 декември и имаше информација дека одреден број луѓе што биле присутни имаат ковид-19.
Немав симптоми, но се тестирав со брз тест на 16 декември и тој беше негативен. Истиот ден го направив и официјалниот и признат ПЦР тест. Следниот ден бев на тенискиот настан во Белград да им врачам награди на децата. Пред доаѓањето, направив уште еден брз тест и резултатот беше негативен. Се чувствував добро, без симптоми за корона-вирус, а по настанот стигна резултатот од ПЦР тестот на кој бев позитивен. Следниот ден дадов интервју за „Л`Екип“ во својот тениски центар во Белград. Имав обврска кон новинарот, му ветив и не сакав да го откажам интервјуто. Носев маска и бевме на предвидената дистанца. Можеби згрешив и веројатно требаше да го одложам интервјуто“, објасни Ѓоковиќ.
STATEMENT BY NOVAK DJOKOVIC
12 January 2022https://t.co/qhreHUYlQ8— Novak Djokovic (@DjokerNole) January 12, 2022
Токму по соопштението на Новак Ѓоковиќ и овие детали и интервјуто за францускиот медиум најавено е проширување на истрагата, а двата австралиски медиуми објавија дека најстрогата казна за давање лажни информации може да биде и пет години затвор за тенискиот ас.
BREAKING: No decision on Djokovic visa today.
“Mr Djokovic’s lawyers have recently provided lengthy further submissions and supporting documentation said to be relevant to the possible cancellation of Mr Djokovic’s visa. This will affect the timeframe.” @9NewsAUS @2GB873
— Chris O'Keefe (@cokeefe9) January 12, 2022
