Американскиот тенисер Бен Шелтон обезбеди пласман во третото коло на Вимблдон, откако го совлада Јапонецот Ринки Хиџиката со убедливи 3-0 во сетови (6-2, 7-5, 6-4).
Она што го направи овој меч особено интересен е фактот дека траеше два дена. Натпреварот беше прекинат поради смрачување, при што Шелтон имаше предност и се наоѓаше на чекор до победа. Денес, со првото појавување на теренот, му беше потребна само една минута и еден поен за да го запечати триумфот.
Yesterday, Ben Shelton's match with Rinky Hijikata was suspended at 9:29 PM local time with him one game away from winning.
— ESPN (@espn) July 4, 2025
Today, Shelton took only ONE MINUTE to get the win and advance to the third round at Wimbledon 😤 pic.twitter.com/NnYBQYQCaM
Овој епилог дополнително ја доведе во прашање вчерашната одлука на судиите да го прекинат мечот, што ретко кој сметаше дека било неопходно.
Во третото коло, Шелтон ќе се соочи со унгарскиот тенисер Мартон Фучович, кој по драматичен дуел во пет сета го елиминираше францускиот ветеран Гаел Монфис.
