Доколку Сантијаго Солари остане само привремен тренер на Реал Мадрид во траење од две недели, тогаш клубот ќе мора да одбере нов траен шеф на стручниот штаб, а според имињата кои се без ангажман, „кралевите“ имаат богат избор.
Без клупски ангажман се и некои искусни тренери-ветерани, некои млади и потенцијални, како и многу поранешни играчи на Реал и луѓе кои освојувале вредни шампионски титули.
На листата се: Гути, Јуп Хејнкес, Мичел, Висенте дел Боске, Михаел Лаудруп, Арсен Венгер, Клаудио Раниери, Кике Флорес, Антонио Конте, Лоран Блан, Андре Вилаш-Боаш, Уго Санчес, Луис ван Хал, Роберто ди Матео, итн.
Од овие кандидати, Конте е фаворит за клупата на Реал, но Солари има две недели да докаже дека може да биде и трајно решение, а не само привремен тренер.
