Лука Дончиќ е кошаркарско чудо и веќе нема потреба толку да се зборува. Словенецот постигна 45 поени, но неговиот тим Далас маверикс тргна со пораз во полуфиналната пчејоф-серија на Западот против Феникс санс, и тоа од 121:114.
Словенечкиот кошаркар покрај уфрлените 45 поени, имаше и 12 скока, со што стана вториот најмлад кошаркар по Коби Брајант со ваков учинок по 2001 година.
Luka Doncic is the youngest player with 45 points and 10 rebounds in a playoff game since Kobe Bryant in 2001 😳 pic.twitter.com/5VgTudHhpK
— SportsCenter (@SportsCenter) May 3, 2022
А за тоа колку е талентиран и колку има знаење, говори и податокот дека во досегашниот тек од плејофот, Лука бележи по 33,4 поени по натпревар, идентично колку и легендарниот Мајкл Џордан. Тие се единствените двајца кошаркари во историјата на НБА-лигата коишто во плејофот бележат по повеќе од 30 поени по меч во просек.
Most career PPG in the playoffs:
33.4 — Michael Jordan
33.4 — Luka DoncicThey’re the only two averaging 30+. pic.twitter.com/MOlhhHkTLO
— StatMuse (@statmuse) May 3, 2022
Вториот меч од оваа серија се игра за два дена, каде што исто така домаќин ќе биде Феникс.
Мајами хит, пак, со 106:92 ја совлада Филаделфија 76-ерс и поведе во полуфиналната серија на Истокот. Гостите беа без Џоел Ембид, па затоа и поради тоа постигнаа мал број поени.
Тајлер Хиро беше најефикасен кај победничкиот тим со 25 поени, а вториот меч исто така се игра за два дена.