Koшаркарската репрезентација на Словенија избори историски прв пласман на Олимписките игри кои летово ќе се одржат во Токио откако актуелниот европски првак славеше со сигурни 96:85 против Литванија во финалето од квалификацискиот турнир во Каунас.
Првата ѕвезда Лука Дончиќ блескаше со троен учинок при 31 поен, 13 асистенции и 11 скока водејќи ја Словенија кон сосема заслужената победа против домаќинот на еден од турнирите, кој првпат по седум последователни настапи нема да се појави на ЛОИ.
Can we caption this "Luka and-1️⃣, Luka and-2️⃣, and Luka and-3️⃣"? 🤔💬 #FIBAOQT@luka7doncic not messing around in the #FIBAOQT Final.
📊 at HT: 21 PTS 6 REB 5 AST | 26 EFF pic.twitter.com/Qg1npQQxRL
— FIBA (@FIBA) July 4, 2021
Литванците парираа само во првото полувреме при резултат од 45:45, но Словенија ја освои третата четвртина со двоцифрена разлика и најави дека во Каунас следува големо разочарување за домаќините.
Словенија обезбеди пласман во групата Ц, каде што ќе се сретне против моменталните светски шампиони и вицешампиони, Шпанија и Аргентина, заедно со домаќинот Јапонија.
𝗟𝗨𝗞𝗔 𝗗𝗨𝗡𝗞 𝗧𝗥𝗔𝗖𝗞𝗘𝗥
Tonight: 1️⃣
Entire #FIBAOQT: 2️⃣@luka7doncic | @kzs_si 🇸🇮📺 https://t.co/anQNE2HGRA pic.twitter.com/xc3ubjVnbs
— FIBA (@FIBA) July 4, 2021
Претходно Грција славеше со убедливи 81:63 против Турција и обезбеди финале против Чешка за пласман во групата А против САД, Франција и Иран. Останува да се дополнат двете места во групата Б, каде што чекаат Австралија и Нигерија.
