Кошаркарската репрезентација на Словенија за малку не освои медал на Летните олимписки игри во Токио и на крајот заврши на четвртото место. Словенците одиграа фантастично во текот на целиот турнир и само за еден поен не успеаа да се пласираат во финалето, кога загубија од Франција со 90:89.
Разочарани од поразот во полуфиналето, Словенците не успеаа сили да одиграат победнички и во дуелот за третото место, па загубија и од Австралија, за да на крајот завршат четврти и останат без медал. Иако не освоија медал, Лука Дончиќ и дружината на враќањето во Словенија добија фантастичен пречек.
Неколку илјади навивачи се собраа за да ги поздрават кошаркарите кои им донесоа многу радост во иминативе денови.
View this post on Instagram